Nun paso máis cara á sostibilidade e á innovación, Concretho foi galardoado na categoría de Medio Ambiente no marco do Proxecto de Boas Prácticas en DLP do FEMP, unha iniciativa que destaca as mellores solucións implementadas por grupos de pesca e outros actores do sector na protección e recuperación dos recursos naturais. Este recoñecemento chega como parte da sétima e última edición do Catálogo de Boas Prácticas en DLP do FEMP, promovido pola Rede Española de Grupos de Pesca.
O proxecto que mereceu tal distinción consiste na exposición de mobiliario fabricado a partir de hormigón reciclado con cáscara de mexillón, unha proposta innovadora que pon en valor os recursos locais e promove unha economía circular. Concretho conseguiu transformar un material tradicionalmente usado na construcción nun produto respectuoso co medio ambiente, integrando a cáscara de mexillón reciclada como un material de gran potencial na creación de elementos decorativos e funcionais para diversos espazos.
Este proxecto, respaldado polo GALP Golfo Ártabro Sur, reflicte como a colaboración entre os sectores pesqueiro e de construción pode xerar solucións ecolóxicas efectivas que beneficien tanto ao entorno como ás economías locais. Grazas ás axudas do GALP, Concretho logrou levar a cabo esta iniciativa que non só contribúe á redución de residuos, senón que tamén apoia a innovación no deseño sostible e a reutilización de materiais, promovendo prácticas empresariais responsables co medio ambiente.
Este recoñecemento pon de manifesto a importancia das boas prácticas ambientais e como estas poden ser un motor de cambio cara unha economía máis verde. Ademais, subliña o impacto positivo que iniciativas como a de Concretho teñen na conservación dos ecosistemas costeiros e na dinamización do territorio. Sen dúbida, un paso máis cara a un futuro máis sostible para as comunidades do Golfo Ártabro Sur.
Comentarios recientes