O GALP Golfo Ártabro Sur organiza do 2 ao 6 de febreiro un Curso de Emprendemento en Turismo Mariñeiro e Pescaturismo, no marco do proxecto de cooperación cos oito GALP galegos “Mar e Rías: Pesca & Turismo”. Esta acción formativa gratuíta está dirixida a traballadores e traballadoras do sector pesqueiro, mariñeiros/as, mariscadores/as, redeiros/as, que desexen diversificar a súa actividade e explorar novas oportunidades vinculadas ao mar.
O curso ofrecerá formación práctica adaptada á realidade do sector pesqueiro, incluíndo contidos útiles tanto para persoas que nunca emprenderon como para aquelas que xa teñen experiencia. Ademais, contemplará acompañamento personalizado nos primeiros pasos do proxecto, así como orientación para desenvolver iniciativas viables e ligadas ao territorio e ao coñecemento do mar.
A acción formativa desenvolverase na sede do GALP (Avenida do Porto 21, baixo, Casa do Mar), Sada, en modalidade presencial ou en liña, en horario de 16:00 a 20:00 horas.
As persoas interesadas poden formalizar a súa inscrición chamando ao 617 867 820, enviando un correo electrónico a info@babadiva.es ou a través do formulario dispoñible en https://lnkd.in/eTBdHYre. As prazas son limitadas.
Desde o GALP Golfo Ártabro Sur animase aos profesionais do sector a aproveitar esta oportunidade para transformar a súa experiencia no mar nun proxecto de futuro, recibindo apoio e formación especializada que lles permita emprender no ámbito do turismo mariñeiro e do pescaturismo.
Comentarios recientes