O GALP Golfo Ártabro Sur anuncia que está a piques de abrir o prazo para solicitar as súa axudas destinadas a proxectos vinculados ao mar. Este programa de financiamento representa unha oportunidade única para emprendedores, empresas e profesionais do sector pesqueiro que desexen impulsar as súas ideas e contribuír ao desenvolvemento sostible do territorio.
Unha oportunidade para dar luz verde ás túas ideas
Se levas tempo cavilando nun proxecto que poida mellorar a economía azul, conservar o patrimonio mariñeiro ou promover prácticas sostibles, agora é o momento perfecto para darlle forma. Estas axudas están deseñadas para apoiar iniciativas que fomenten o crecemento da nosa comunidade costeira e protexan o noso medio ambiente.
Visítanos e prepárate
Para todos os interesados, as nosas oficinas están dispoñibles para ofrecer información detallada, resolver dúbidas e asesorar sobre os pasos necesarios para presentar a túa solicitude. Atópanse en Avenida do Porto, 21 baixo (Casa do Mar), en Sada.
Pasa por alí e descobre como podemos axudarche a facer realidade o teu proxecto. Non perdas esta oportunidade de transformar as túas ideas en accións concretas co apoio do GALP Golfo Ártabro Sur.