O GALP Golfo Ártabro Sur vén de dar un paso clave na execución da súa Estratexia de Desenvolvemento Local Participativo (EDLP) coa aprobación, por parte da súa Xunta Directiva o pasado 24 de abril de 2026, da Proposta de Resolución Definitiva dos proxectos prioritarios da convocatoria 2026.
Máis alá do propio avance administrativo, este acordo representa un fito de especial relevancia para o territorio. Coa selección dos proxectos incluídos nesta proposta, o GALP supera xa o 50 % do crédito total da súa EDLP destinado ao sector pesqueiro, un dato especialmente significativo tendo en conta que o programa actual aínda se atopa nunha fase inicial de execución.
Cómpre salientar que, no período anterior, o GALP Golfo Ártabro Sur foi o único grupo en acadar este obxectivo ao longo de todo o programa. Neste novo período, en pleno ano 2026 e con varios anos de execución por diante, este nivel de compromiso co sector evidencia a capacidade do Grupo para anticiparse aos retos da Estratexia e consolidar unha aposta firme polo desenvolvemento do ámbito pesqueiro.
Este avance reflicte, ademais, o bo ritmo de execución da EDLP e a capacidade do Grupo para canalizar os fondos cara a iniciativas que xeran un impacto real no territorio, sempre en consonancia cos criterios establecidos tanto na propia Estratexia como na normativa vixente. A xestión eficiente dos recursos está a permitir optimizar o investimento dispoñible e avanzar de maneira sólida no cumprimento dos obxectivos marcados.
Os proxectos recollidos nesta proposta abranguen actuacións clave para o desenvolvemento sostible das zonas costeiras. Entre elas destacan iniciativas orientadas á modernización da actividade pesqueira, á valorización dos produtos do mar e á diversificación económica. A calidade das propostas presentadas, así como o compromiso das entidades promotoras, reflicten o dinamismo do sector e a súa implicación activa co futuro do territorio.
Cómpre lembrar que esta Proposta de Resolución Definitiva ten carácter informativo dentro do procedemento administrativo e non implica a concesión definitiva das axudas, que queda condicionada á resolución final por parte da administración competente.
Nas seguintes ligaróns pódense consultar os anexos á proposta de resolución definitiva:
– Certificado de Xunta Directiva
– Anexo I Proposta de Resolución partida orzamentaria 760
– Anexo II Proposta de Resolución partida orzamentaria 770
Comentarios recientes