O GALP Golfo Ártabro Sur celebrará unha xornada de información dirixida a asociacións, entidades locais, PEMES ou emprendedores interesados en desenvolver iniciativas vinculadas ao desenvolvemento local e ao sector marítimo-pesqueiro. O encontro terá lugar na sede do GALP (Casa do Mar: Avenida do Porto 21, baixo, Sada) o próximo 1 de decembro ás 11:00 horas.
Nesta xornada explicaranse as oportunidades de financiamento que permitirá a nova convocatoria, orientada a apoiar iniciativas vinculadas co mar, co desenvolvemento local e coa dinamización económica das comunidades costeiras. As axudas abriranse a principios de ano e ofrecerán fondos para crear novos negocios, diversificar actividades ou ampliar empresas xa existentes, co obxectivo de fortalecer o tecido produtivo do Golfo Ártabro Sur.
Desde o GALP destacan que esta nova fase de financiamento supón unha oportunidade para que promotores, pequenas empresas, autónomos e entidades sociais poidan transformar ideas en proxectos reais capaces de xerar emprego, valor engadido e impacto positivo no territorio costeiro.
Os proxectos poderán ser desenvolvidos no territorio que abarca o GALP Golfo Ártabro Sur, nos municipios de A Coruña, Arteixo, Bergondo, Cambre, Culleredo, Oleiros e Sada. Aínda que a sede fiscal da entidade solicitante pode estar en calquera concello galego, é imprescindible que o proxecto se leve a cabo dentro destes municipios.
O encontro está pensado para facilitar información práctica aos asistentes, detallando os criterios de acceso, o proceso de solicitude e os tipos de proxectos empresariais que poden optar ao apoio do GALP. O equipo técnico estará dispoñible para resolver dúbidas e ofrecer asesoramento personalizado ás persoas interesadas en preparar a súa proposta.
Dende o GALP Golfo Ártabro Sur animamos a todas as persoas emprendedoras, empresas e entidades que desexen impulsar novas iniciativas vinculadas ao desenvolvemento a participar nesta sesión informativa e coñecer de primeira man as posibilidades de financiamento para o ano 2026.
As persoas interesadas en asistir poden solicitar máis información a través dos seguintes contactos:
Teléfono: 881 89 64 17
Correo electrónico: galpgolfoartabrosur@gmail.com
Comentarios recientes